WAHESHIMIWA MADIWANI WA HALMASHAURI YA KALIUA WAFANYA ZIARA YA KUJIFUNZA JIJINI MWANZA

Jopo la Waheshimiwa Madiwani wa Halmashauri mpya ya Wilaya ya Kaliua wafanya ziara ya kujifunza katika jiji la Mwanza. Waheshimiwa hao ambao waliambatana na Wataalamu watano wa Halmashauri hiyo, walitembelea kiwanda cha bia TBL Mwanza, Hifadhi ya wanyama ya Serengeti na Halmashauri ya Jiji la Mwanza. Hebu safiri nami katika ziara hii kwa njia ya picha kwani nami nilikuwepo katika msafara huo.

Hapa msafara ukiwa katika kiwanda cha bia cha TBL cha mjini Mwanza. Hapa Waheshimiwa Madiwani walipata fursa ya kujionea hatua mbalimbali za utengenezaji wa bia kuanzia hatua ya mwanzo hadi ya mwisho.

                          Usafiri huu ndio uliotumika kututembeza katika sehemu zote tulizozitembelea.

Hawa ndio wataalamu waliokuwa katika msafara huo

Waheshimiwa Madiwani wakiwa nje ya kiwanda wakisubiri utaratibu wa  kuingia kiwandani 

Mambo ya security. Hakuna kuingia kiholela holela kama vile unaingia sokoni.

Msafara ukiingia kiwandani

Mitambo ya kuhifadhia maji yanayotumika kutengenezea bia

                                    

Mwenyekiti wa Halmashauri ya Wilaya ya Kaliua Mhe.John Kadutu (J.K) mwenyeshati la maua maua pamoja na Waheshimiwa wenzake wakipata maelezo kutoka kwa Mwenyeji wao

Mwenyeji wa msafara huo Bw. Jeremiah Kimambi akiwaeleza jambo wageni wake

Hii ni shayiri mojawapo ya malighafi muhimu inayotumika kutengeneza bia. Zao hili liliwavutia sana Waheshimiwa madiwani wa Kaliua na wakatamani sana wakalilime Wilayani kwao lakini pozi liliwaishi mara baada ya kuelezwa kuwa, zao hili la Shayiri linastawi ama linalimwa katika maeneo yenye baridi kama vile Mbeya na Kilimanjaro.

Hii ni Monodex (Glucose) ambayo ni mojawapo ya kiungo muhimu ambacho huwekwa kwenye bia

Jamani, huu ni unga wa mahindi. Nao ni moja ya malighafi inayotumika kutengeneza bia.

Bw. Kimambi akiwaonyesha Wajumbe Shayiri

Hiki ni kifaa ambacho hutumika kuchujia bia ili kuondoa makapi makapi katika bia.